“Салават күпере“ тәрбиячеләре сертификат алдылар

Буа шәһәрендәге "Теремок" балалар бакчасында "Мәктәпкәчә яшьтәге балаларга экология буенча юнәлеш бирү" дигән тема буенча зона семинар-киңәшмәсе узды. Безнең районнан биредә Апасның "Салават күпере" балалар бакчасы тәрбиячеләре Гөлшат Фазлыева белән Марина Демидова катнаштылар һәм үз эшләрен тәкъдим иттеләр. Аларның чыгышларын махсус комиссия уңышлы дип тапты. Ике тәрбияче дә Татарстан Республикасының экология һәм табигый ресурсларны саклау министрлыгының Идел аръягы территориаль идарәсенең сертификатына лаек булдылар.

Гөлзада Гатауллина.

Автор фотосы.