“Салават күпере” балалар бакчасында Туган тел көне

(21 февраль, “Апастово-информ”).

Әлеге уңайдан, Апасның “Салават күпере” балалар бакчасында кичә узды. Балалар туган телләрендә чыгышлар ясады, осталыкларын күрсәтте.
“Телебез - тормыш-көнкүрешебезнең аерылгысыз бер өлеше, тел – бабаларыбызның үткәне. Шул уңайдан бакчабыз балалары бүген музыка залына "Туган тел - халык җаны" дигән кичәгә җыелды. Кичәдә туган телгә багышланган шигырьләр сөйләнде, җырлар җырланды. Халкыбызның онытылып барган уеннары искә төшерелеп, уйналып үтте”, - ди бакча мөдире Гүзәлия Гәрәева.