“Салих чишмәсе” шифалы суы белән каршы ала

(7 нче сентябрь, “Апастово-информ”)

Йошкар –Оладан Кубаньга урман, кырлар аша сәяхәт итүче ир-егетләр Түбән Барышның чишмә буена туктап ял итәләр. Авыл җирлеге башлыгы Рузия Низамова кунаклар белән очрашып, сөйләшә.

“Егетләр ял итәргә туктаганнар иде. Алар асфальт юлга чыкмыйча кырлар, басулар аша сәяхәт итәләр. Авылыбызның шифалы суын кайнатып ашап-эчеп, сөйләшеп ял иттеләр. Бигрәк матур монда. Шундый урыннар күбрәк булсын иде. Киләсе елга да киләбез дип киттеләр”, - диде Рузия Низамова.