Шәмәктә дә, Балтайда газета укучылар күп

Урта Балтай элемтә бүлеге җитәкчесе Фәния Шәйдуллина, Түбән Балтай авылы почтальоны Гөлия Шиһапова һәм Шәмәк халкына почта хезмәте күрсәтүче Венера Сәйфиева авылдашлары белән уртак тел табып эшлиләр.
-Безнең халык "Йолдыз"сыз яшәүне күз алдына да китерә алмый. Быелның икенче ярты еллыгына район газетасына язылучылар артачак дип өметләнәбез. Республика матбугатына язылучылар да күп. Өеңә газета килмәгәч күңелсез бит ул. Язылу компаниясенең ташламалы чорын көтәбез, бу санаулы көннәрдә абунәчеләр саны сизелерлек арта, без моны үз тәҗрибәбездән чыгып әйтәбез, -диләр авыл почтальоннары.
Ришат Җамалиев.