Сөйгәнем белән бергә булырга ярыймы?

Әнисе белән уртак телне тиз таптык, Аллаһка шөкер. Мине кабул итәрме икән, дип бик борчылган идем. Ләкин ул мине үз кызы кебек якын итте. Берничә көннән соң Рәнисне әнием белән таныштырырга өйгә чакырдым. Сөйләшә торгач, шунысы ачыкланды: безнең әниләр бер-берсен белә икән! Алар бер үк көнне бер үк бала тудыру йортында безне тапкан. 

Рәниснең әнисенең сөте булмау сәбәпле, минем әни Рәнисне имезгән булган. Бер ананың сөтен имгәч, без абыйлы-сеңелле булабыз түгелме соң инде? Андыйларга гаилә корырга ярамый диләр. Ләкин ике як әни дә бу хорафатка ышанмаска куша, “өйләнешегез” дип хәер-фатихаларын бирде. Ә минем күңелдә шик бар: балабыз исән-сау туармы икән? Киңәш бирегез әле.

Тулырак: https://shahrikazan.ru/news/%D3%99y-yazmyish/sygnem-beln-berg-bulyrga-yaryymy

Фото: https://www.freepik.com/free-photo/front-view-woman-looking-sad-as-she-worked-from-home-too-much_11905138.htm#query=%D0%B4%D0%B5%D0%B2%D1%83%D1%88%D0%BA%D0%B0%20%D0%B3%D1%80%D1%83%D1%81%D1%82%D0%B8%D1%82&position=5&from_view=search&track=ais