"Свияга" агрофирмасының “Горбунов“ берләшмәсе кырларында 950 гектар мәйданда чөгендер үстерелгән

(9 сентябрь, “Апастово-информ“).

Без кыр хезмәтчәннәре белән очрашуга барганда Дәүләки авылы янәшәсендәге 57 гектарлы басуда 5 комбайн эшли иде.

Апаста яшәүче Рәмис Гатауллин 3 елдан бирле тормышын авыл хуҗалыгы өлкәсе белән бәйли. Кыш көннәрендә кырга чыгачак техникаларны тезекләндерә, ә урып-җыю вакытында исә уңыш алуда катнаша.

–Бөртеклеләрне җыеп бетереп, чөгендер алу эшенә керештек. Һава шартлары әйбәт булганда эшләп калырга тарышабыз, – диде комбайнчы Рәмис Гатауллин.