Сыйфатсыз товарны алыштырып була

Район кулланучылар хокукларын яклау район инспекторы Гөлнара Абдрахманова электрон адресына, аның үзе янына килеп һәм эш телефонына - 21-7-00 шалтыратып быел барлыгы 117 хәбәр, гариза, шикаять кергән. Алар башлыча сыйфатсыз көнкүреш хезмәте күрсәтү, төзелеш кирәк-яраклары, кибетләрдә сатып алынган электрон товарлар-кесә телефоннары, смартфон, планшетлар, шулай ук кием-салым, аяк киемнәре сыйфаты хакында. Барлык очракларда да инспектор үзеннән торганны эшләгән һәм тиешле чарасын күргән. Сыйфатсыз көнкүреш товарларының күбесе алыштырылган яки кулланучыга акчасы кире кайтарылган. Гомумиләштереп әйтсәк, сүз якынча 100 мең сум хакында бара.