Табар Черкене мәктәбе укучылары кошларны сыйлый

(2 январь, “Апастово-информ”).

Табар Черкене укучылары кошларның кешеләрнең игелекле гамәлләренә, мәрхәмәтенә, ярдәменә өметләнүен яхшы аңлый.

Укучылар әти-әниләре, укучылары ярдәмендә кошларга җимлекләр ясап элгән. Җимлекләр үзенчәлекле килеп чыккан. Алар кошларга җимнәр сибәләр, канатлы дусларның җим чүпләгәнен күзәтәләр.

“Кышын кошлар аеруча кызганыч. Алар өчен салкыннар түгел, ачлык күбрәк куркыныч. Без кошларга ярдәм итәбез”, - диләр укучылар.