Татарстан халкы июньдә 12 көн ял итәчәк

Җомга, 6 июньдә, Татарстанда Корбан бәйрәме билгеләп үтелә. Элегрәк ТР Рәисе Рөстәм Миңнеханов шул хактагы указны имзалаган иде. Бу көн республикада эшләми торган бәйрәм көн булачак, ә беренче озын ял көннәре 6 июньнән 8 июньгә кадәр дәвам итәчәк.

Пәнҗешәмбе, 12 июнь - Россия көне, ул да эшләми торган бәйрәм көн. Моннан тыш, татарстанлыларның 13 июньдә дә 8 марттан өстәмә ял көнен күчерү хисабына ял итәчәген искәртергә кирәк. Димәк, июньдә чираттагы озын яллар 12 июньнән 15 июньгә кадәр дәвам итәчәк.

Шулай ук атнасына биш көн эшләүче татарстанлылар 1, 21, 22, 28 һәм 29 июньдә ял итәчәк, алар шимбә һәм якшәмбегә туры килә.

_{Чыганак:https://tatar-inform.tatar/news/tatarstan-xalky-iyunda-12-kon-yal-itacak-5903055}

_{Фото: © Владимир Васильев, «Татар-информ»}