Татарстанда бер атна эчендә бензин бәясе үзгәрмәде
Казанда узган атнада бензинның барлык маркаларына һәм дизель ягулыгына бәяләр тотрыклыланды. 10-17 июнь көннәренә булган мәгълүматларны Татарстанстат чыгарды.
Исәпләүләр буенча, АИ-95 бензинының уртача бәясе үзгәрмәде – 49,3 сум , ә АИ-92 маркалы ягулыкның бер литры 45,9 сум, ә АИ-98 маркасыныкы 59,2 сумга тора. Дизель ягулыгының бер литры 52,3 сум тора.
Шунысын да билгеләп үтәргә кирәк, 2022 ел башыннан бирле АИ-92 бензинының бер литры 9 тиенгә, ә АИ-95 – 20 тиенгә арзанайды. Ә АИ-98 бензины һәм дизель ягулыгы кыйммәтләнгән. Әйтик, АИ-98 бензинының бәясе 1,3 сумга, ә дизель ягулыгы 1,4 сумга арткан.
Чыганак: https://tatar-inform.tatar/news/tatarstanda-ber-atna-ecenda-benzin-bayase-uzgarmade-5856543
Следите за самым важным и интересным в Telegram-каналеТатмедиа
Нет комментариев