Татарстанда торак-коммуналь хуҗалык өлкәсендә декабрьдә тарифлар үсү сәбәбен аңлаттылар
Татарстанда яшәүчеләр гыйнвар түләүләрендә торак-коммуналь хезмәтләре тарифлары артуын күрәчәк.
Декабрьдә торак-коммуналь хезмәтләр өчен тарифлар үсеше сәбәпләрен «Татар-информ»да матбугат конференциясендә «Татарстан торак-коммуналь хуҗалыгы өлкәсендә иҗтимагый контроль төбәк үзәге» ассоциациясе башкарма директоры Дмитрий Романов аңлатты. Ул инфраструктура эшен һәм аның үсешен тәэмин итәргә кирәклеген искәртте.
«Гыйнварда халык декабрь аена түләүләр алачак. 2023 елның җәендә түләүләр артмаячак, бары тик 2024 елда гына күтәреләчәк. Бу коммуналь хуҗалык инфраструктурасының өзлексез эшләвен һәм үсешен тәэмин итү өчен эшләнде», - диде спикер.
Романов шулай ук тагын бер мөһим проблема – челтәрләрнең шактый тузуы турында әйтте. «Без барыбыз бүген Казанда су чыгару челтәрләренең тузуын беләбез», - диде ул.
Дмитрий Романов түбән керемле гаиләләрнең субсидиядән файдалану мөмкин булуын билгеләде.
«Әгәр торак-коммуналь хезмәт чыгымнары гаилә кеременең 20 процентыннан артып китә икән, социаль яклау органына мөрәҗәгать итәргә кирәк», - дип аңлатты ул.
Следите за самым важным и интересным в Telegram-каналеТатмедиа
Нет комментариев