Татарстанда 37 яшьлек ир-атны вәхшиләрчә үтергәннәр

Чаллының 50нче комплексындагы фатирда 37 яшьлек ир-атны вәхшиләрчә үтергәннәр. Җинаятьтә шикләнеп мәрхүмнең 57 яшьлек күршесен тоткарлаганнар. Ул гаебен танып күрсәтмә биргән. «Челнинские известия» шул хакта хәбәр итте.

Тикшерү версиясе буенча, ир-атлар бер фатирда төрле бүлмәләрдә яши. Җинаятьтә шикләнелүче ир-ат иртән эшкә барырга җыена. Шул чакта аның күршесе уяна, ул исерек була. Исерек ир-ат эшкә җыенучы күршесенә төкереп китә. Шуннан соң 57 яшьлек ир-ат пычак ала һәм исерек күршесенә берничә тапкыр пычак кадый, аннары эшкә чыгып китә.

Эштән кайткач, ир-ат мәетне капчыкларга тутыра, кич белән яшерергә тели. Тик бу вакытта аңа кунакка дип кызы һәм кияве килеп керә. Алар мәетне күрә һәм полициягә мөрәҗәгать итә.

Җинаятьтә шикләнелүче ир-атның моңа кадәр үз кызына һөҗүм итүе, шуннан соң психиатрия хастаханәсендә дәвалануы да билгеле. Ул табиблар күзәтүендә була. Хәзер бу ир-ат тоткарланган. «Үтерү» маддәсе буенча җинаять эше ачылган, диелә хәбәрдә. 

Чыганак.https://intertat.tatar/news/incident/11-01-2022/challyda-yash-che-ir-atny-k-rshese-v-hshil-rch-terg-n-5846940