“ТАТМЕДИА”ның телеграм-каналы 10 мең әбүнәче җыйды

(12 ноябрь, “Апастово-информ”).

ТАТМЕДИАның телеграм-каналы 10 мең әбүнәче җыеп, Татарстан матбугатында иң популяр булып калды. Әлеге каналда бөтен республика халкына кагылышлы көндәлек 40ка якын яңалык чыгып бара.
“Татар-информ” матбугат агентлыгының киң күләмле яңалыкларыннан һәм район газеталарыннан башка моңа ирешеп булмас иде, билгеле.
“Без республикада иң оператив булырга тырышабыз. Аеруча коронавирус белән бәйле яңалыклар белән таныштырып барабыз. Мондый яңалыклар күбрәк карала һәм әбүнәчеләр каналга теркәләләр”, - дип билгеләп үтте “ТАТМЕДИА” акционерлык җәмгыятенең матбугат департаменты җитәкчесе Арсений Соколов.
Соңгы өч атнада телеграм-канал республикабызда ике мәртәбә иң күп каралучы канал булып танылды.
Кайбер постлар хәтта 20 меңгә кадәр каралган була.