Үтенеч тиз үтәлде

(26 август, Ландыш Гайнуллина, “Апастово-информ”).

Биеш авылы җирлегендә узган халык җыенында күтәрелгән проблемалар арасында тукталышның юклыгы турында сүз чыккан иде. Дәүләки авылында яшәүче Рузалия апа Фәйзуллина район башлыгына мөрәҗәгать итеп, бик үтенеп яңгырдан-бураннан ышыкланыр өчен тукталыш кирәклеген сорады. Аның үтенече тиз арада үтәлгән. Биредә яңа тукталыш ясап куелган. Бу хакта авыл җирлеге башлыгы Рамил Вәлиев хәбәр итте.
“Кайтып-китеп йөрүчеләр бу уңайлылыкка сак карасалар, халыкка озак хезмәт итәр ул”, - ди җирлек башлыгы.