“Тукай эзеннән...” бәйгесе җиңүчеләре Марат Әхмәтов исеменнән бүләкләр алды

(2 июнь, “Апастово-информ”).

Бәйгене район башкарма комитеты, “Татмедиа”ның “Апастово-информ” филиалы, район мәгариф бүлеге берлектә оештырды.

Бәйгенең шартлары буенча, мәктәпкәчә яшьтәге балалар, укучылар, аграр көллият студентлары сәнгатьле сөйләгән шигырьләренең видеоязмасын юлларга тиешләр иде.

Татарстан Республикасы Дәүләт Советы Рәисе урынбасары Марат Әхмәтов эш сәфәре белән районга килгәч, бәйге җиңүчеләре белән очрашып, аларга бүләкләр вәгъдә иткән иде. Халыкара балаларны яклау көне уңаеннан узган бәйрәмдә бүләкләр үз ияләренә барып иреште.

“Тукай эзеннән...” бәйгесендә беренче урынны яулаган Каратун мәктәбе укучылары Рузил Хилавиев, Алсу Раимкулова, Апас мәктәбе укучысы Зилә Сафиуллина бүләкләнде.