Тукай эзләре

Кеше килә җиргә, эзләр сала.
Тик эзләрнең була төрлесе.
Тукай эзләреннән атлап барам,
Ул татарның якты өлгесе.

Тукай салган эзләр тоныкланмый.
Тирәнәя бара сырлары.
Гимн булып яңгырыйлар хәтта,
Бөек Тукаемның җырлары.

"Туган тел"е, "Туган авыл" җыры,
"Тәфтиләү"е аның җырлана.
Тукай шигырьләре тылсымлы,
Күңелләрдә мәңге саклана.

Тукай килде җиргә, яшәп китте,
Бер кеше дә түгел мәңгелек.
Үзе китте, шигырьләре калды,
Гасырларга барып җитәрлек.

Эшләр кала җирдә, эзләр кала,
Тик эзләрнең була төрлесе.
Тукай шигырьләре мәңге яши,
Тукай бит ул-татар өлгесе. 
Биеш урта мәктәбенең татар теле һәм әдәбияты укытучысы Фирая Хисамова.