Уңган безнең Апаста бар да – әбиләр дә, апалар да, кызлар да

Апаста яшәүче Эльвира Мотыйгуллинаның кул эшләрен күреп без хәйран калдык. Ниләр генә юк анда! Хәтта балалар өстендә күреп: "Кайсы кибеттән алды икән?" - дип уйлаган киемнәр дә, Эльвираның тырышлык җимешләре икән бит!

- 4 класстан бирле бәйлим. Мин бәйләмичә тора да алмыйм. Бәйләгән саен, бәйлисе килә. Бу шөгыль тынычландыра. Вакыт булуга кулга инә, җеп алам, - ди ул үзе.

Сумкалар, күлмәкләр, баш киемнәре, салфеткалар, вазалар, футболкалар - барысы да зәвык белән эшләнгән һәм алар бер-берсен кабатламаган, барысы да үзенчәлекле, матур, соклангыч!