Җәмгыять
Укучылар волейбол ярышларында көч сынаштылар
Уеннар мәктәп укучылары арасында волейбол лигасы кысаларында узды.
(12 март, “Апастово-информ”).
Уеннар ике көн дәвамында барды. Беренче көнне кызлар ярышты. Кызлар арасында узган ярышларда Апас урта мәктәбе җиңү яулады, икенче урында - Биеш, өченче урында - Каратун командалары. Икенче көнне ярышларны егетләр дәвам итте. Уеннарның нәтиҗәләре буенча беренче урынга Биеш командасы лаек булды. Икенче урында - Каратун, өченче урында - Апас командасы. Мәгариф бүлеге җитәкчесе Гөлүсә Галләмиева сүзләре буенча, әлеге Республика ярышының муниципаль этабы безнең районда ел саен үтә. Җиңүче командалар район данын яклар өчен Яшел Үзән шәһәренә барачак.
Следите за самым важным и интересным в Telegram-каналеТатмедиа
Нет комментариев