«Уңайлы булсын дидек»

"Яңгырлар явып тору сәбәпле, иртә караңгылана, соң яктыра. Бу уңайдан, без халык фикерен истә тотып, шул ук вакытта экономия кирәклеген дә аңлап, багана утларын кабызу-сүндерүнең яңа графигын төзедек. Бүгеннән багана утлары 16.30 да кабыначак, төнге сәгать бердә сүнәчәк. Иртә белән бишенче яртыда кабынып, җиденче яртыда сүнәчәк. Утларны кабызу-сүндерү көннең озынлыгына, ел фасылына карап үзгәртелеп торачак. 
Барлык сәбәпләрне дә игътибарга алып, киңәшләшкәннән соң, шундый нәтиҗәгә килдек. Фикерләр төрле булса да, халыкның сабыр булуын һәм аңлауларын теләп калам”, - дип хәбәр итте Апас поселогоның башкарма комитеты җитәкчесе Луиза Сафина.