Вируска каршы

(1нче Май, Ландыш Гайнуллина, “Апастово-информ”)

Вирус җәелмәс өчен профилактика эше көчәя бара. Апаста аеруча игътибар күпфатирлы йортларның подъездларын дезинфекцияләү эшенә юнәлә.

Махсус саклану чаралары белән тәэмин ителгән санэпидемстанция хезмәткәрләре һәр подъездның баскыч араларын, ишек яннарын дезинфекцияләү эшен алып баралар. Күпчелек халык үзизоляция режимын төгәл үтәргә тырыша. Ә инде үзләренең исәнлекләрен кайгыртучыларның хезмәтен күргәч, халык бүгенге авырлыкларны дөрес аңлый. Дезинфекцияләү эше бәйрәм көннәрендә дә дәвам итә.