Хезмәт Даны орденнарының тулы кавалеры Василий Аверьянов хөрмәтләнде

(8 декабрь, “Апастово-информ”). 
Район башлыгы Айрат Җиһаншин Василий Аверьяновның өенә барып, аның хәлен белеште, Ватан Геройлары көне белән ихлас котлап, күчтәнәчләрен тапшырды. Ул шулай ук Ил агасын районыбыз яңалыклары белән таныштырды, авыл хуҗалыгы, төзелеш һәм башка өлкәләрдә барган уңай үзгәрешләр турында сөйләде. 
Василий Игнатьевич Аверьянов район башлыгы белән эчкерсез сөйләшеп утырды, бәхетле һәм хөрмәтле картлык кичерүен белдерде, җитәкчеләргә рәхмәтен ирештерде.