Яңа елның сихри төннәре

Тиздән инде зур өметләр белән

Яңа елга аяк басабыз.

Кайгылары, шатлыклары булган,

Иске елны кабат озатабыз.

Бәллүр бокал тавышлары чыңлар,

Чыршы бизәр өй түребезне.

Яңа елның сихри йолдызлары

Чолгап алыр киң күгебезне.

Барыбызга саулык кына телим,

Бәхет телим тулып ашарлык.

Һәр көнебез аяз матур үтсен,

Үкенмичә искә алырлык.

Көн артыннан яңа көннәр туа,

Ел артыннан үтә еллары.

Һәрвакытта тигез якты булсын

Һәммәбезнең тормыш юллары.

Илнур Азизов, Биеш авылы.