Яшел Үзәндә 5 метрга якын биеклектәге үгез сыны пәйда булган

(16 декабрь, “Апастово-информ“).

Яшел Үзәндә яңа ел символы – үгез сыны барлыкка килгән. Аны эшләр өчен 48 йөк машинасы кар кирәк булган, дип хәбәр итәләр районның матбугат хезмәтеннән.
Скульптураның биеклеге 4,5 метр, киңлеге – 3 метрны тәшкил итә. Бүгенге көндә бу республикада да иң зур үгез сыны, бәлки илдә дә иң зурысыдыр“, - дип билгеләп үттеләр матбугат хезмәтеннән.
2021нче ел сиволын биш көн дәвамында Кукмарадан мастер – энтузиастлар Марсель һәм Руслан иҗат иткән. Кар скульптурасын эшләү тәкъдимен Яшел Үзән районы башлыгы Михаил Афанасьев ясаган.