Йортта су өчен түләүне ничек киметергә?

"Татар-информ" архивы

Сергей Солодкий сүзләренчә, интернетта су счетчигы күрсәткечләрен үзгәртергә ярдәм итә торган җайланмаларны рекламалыйлар, тик бу әйберләр белән җитди проблемалар килеп чыгарга мөмкин.

«Еш кына фатир хуҗалары, счетчикка төрле җайланмалар беркетеп, хисапланмаган ресурслар күләмен арттыра. Аларның бурычын башка фатир хуҗаларына бүләләр», – ди белгеч.

Мондый ысуллар куллану законсыз һәм аның өчен штраф салалар, кайсыбер очракта төрмәгә дә хөкем итүләре ихтимал. Өстәвенә, кагыйдә бозучы бөтен чыгымнарны компенсацияләргә тиеш була.

Шуңа күрә счетчикның эшен тикшереп тору хәерле. Счетчик артыгын санамасын – карап торыгыз. Әгәр шундый хәл сизсәгез, Идарәче компаниягә, яки ресурс белән тәэмин итүчегә мөрәҗәгать итәргә кирәк.

Суны сакчыл файдалану өчен, гадәтләрне үзгәртергә була. Мәсәлән, ваннага кереп ятканчы, душта коену көн саен 50 –100 литр суны саклап калырга ярдәм итә, ди белгеч. Бу турыда РИА Новости хәбәр итте.

Чыганак: https://intertat.tatar/news/fatirda-su-ocen-tulaune-nicek-kimeterga-5854321