Югары Балтай халкы яңа клубта тавыш бирә

Югары Балтай халкы үз тавышын бирергә сөенә-сөенә яңа төзелгән клубка килде. Биредә һәркемне ачык йөз белән каршы алдылар, чәй табынына чакырдылар.
Бөек Ватан сугышы һәм хезмәт ветераны Шәүкәт Хатыйпов та үз тавышын киләчәк көннәрнең тагын да мул һәм җитеш булуын теләп бирде.
- Бүгенге тормышка сөенеп бетә алмыйбыз. Менә яңа клубыбыз да булды, су юллары да яңарды. Рәхмәт кенә әйтеп яшибез. Киләчәгебезне тагын да күркәмрәк күрү өчен авылыбыз бүген активлык күрсәтте, - диде ветеран.