Югары Балтайдан Абзаловлар Президент белән очрашты

Югары Балтай авылында яшәүче Тәлгать һәм Зөлфия Абзаловлар Апас районының иң күркәм гаиләсе буларак, Казан шәһәрендә Президент белән очрашуда катнаштылар. Әлеге тантаналы чара ел саен Президент Рөстәм Миңнеханов һәм аның тормыш иптәше Гөлсинә ханым тарафыннан оештырыла.
Тәлгать абый белән Зөлфия апа 6 балага гомер бүләк иткәннәр. Тормышта бер-берсенә ярдәм итеп, бер-берсен тулыландырып, аңлашып, хезмәт белән гаилә мәшәкатьләрен бергә үреп, менә дигән итеп яшиләр. "Бик эшчән һәм бик булдыклы гаилә", - диләр авылда алар турында.