Зариповлар мини-тракторны 2 ел элек ясаган

(5 февраль,“Апастово-информ“).

Машина, тракторлар белән дуслыгы нык аның. Улы Фәнил белән бергәләп, хуҗалыкта куллану өчен мини-трактор да ясап куйганнар.
“Төрле техниканың җиһазларын кулландык. Эретеп-ябыштыру эшләрен дә үзебез башкардык. Двигателе “Ока“ машинасыныкы. Тракторыбыз әйбәт кенә килеп чыкты“, – диләр Зариповлар.

2 елдан бирле трактор аларның бар эшләрен дә “үз өстенә алган“. Җирләрне сукалау, бәрәңге утырту, җыеп алу, кар эттерү кебек эшләрне башкару өчен җайлы техника. Чүпләр түгү, печән алып кайту өчен арбасы да бар.