Үзбикләнүдән тесттан башка да чыгып була

(16 ноябрь, “Апастово-информ“).

Алдан авыру белән элемтәдә булган кешеләргә 8-10 көннән соң коронавируска тест үтү мәҗбүри иде.
Коронавирус йоктырган авырулар белән элемтәдә булучылар ике атнадан соң, тесттан башка да үзбикләнүдән азат ителәләр. Бу хакта “Татар-информ“ агентлыгына республикабыз буенча Роспотребнадзор идарәсе җитәкчесе урынбасары Любовь Авдонина хәбәр иткән.
“Элегрәк, коронавирус белән элемтәдә булганнар ПЦР-тестны мәҗбүри рәвештә узарга тиешләр иде. Әлеге тест хәзер авыру билгеләре булган очракта гына ясала.
Әгәр дә, ике атнадан соң, авыру билгеләре булмаса, үзбикләнүдән чыгарга мөмкин, дип аңлата Авдонина.