Зур Болгаерда бар да бар

Зур Болгаер мәдәният йорты коллективы авылдашларының күңелле, файдалы ялы өчен тырышалар. Сәхнәдә планлы төстә төрле концерт-кичәләр, очрашулар еш үтә. Авыл китапханәсе дә буш тормый. Анда мәсәлән, бүген 10000 гә якын төрле китап, газета-журналлар исәпләнә. Авылда китап яратучылар да дистәләп. Мәдәният йорты мөдире Хәлимә Айнуллина, китапханәче Гөлүсә Гайфуллина, техник хезмәткәр Рузилә Шакирова авылдашлары белән бергәләп Болгаерда чисталык өмәләрендә, агачлар утырту чараларында да актив катнашалар.

Ришат Җамалиев.