1 июльдән гаилә ипотекасы кагыйдәләре туучанлыкны стимуллаштыру өчен үзгәртеләчәк

«1 июльдән гаилә ипотекасы кагыйдәләре үзгәрәчәк. Ул туучанлыкны стимуллаштыруга юнәлтеләчәк», – дип ассызыклады чиновник «Движение» форумында чыгыш ясаганда.

Минстрой вәкиле ачыклап узды, соңгы ай дәвамында ил Хөкүмәтенең финанс блогы белән сөйләшүләр алып барылды. «Без ипотека бирү ноктасыннан күпмедер дәрәҗәдә дөрес консенсуска килдек. Банклар моңа әзерләнә инде», – дип ышандырды ул.

Шул ук вакытта замминистр гаилә ипотекасы кагыйдәләренең нәкъ ничек үзгәрәчәген ачыкламады.

Гамәлдәге, 2026 елның 1 февраленнән россиялеләр ике гаилә ипотекасын – ир белән хатынның һәрберсенә берәрдән – берьюлы рәсмиләштерү мөмкинлегеннән мәхрүм булды. Элек икенче иптәшенең торак сатып алуга ризалыгы булганда мондый хәл рөхсәт ителә иде. Хәзер исә ир белән хатын бергә бурыч алучылар дип санала.

Март аенда РФ Премьер-министры Михаил Мишустин Минфинга һәм Минстройга 1 июльгә кадәр гаилә ипотекасы ставкасын балалар саны буенча дифференцияләргә кушты. ТР риелторлар Гильдиясе вице-президенты Руслан Садреев фикеренчә, күп балалы гаиләләр өчен ипотека ставкасы 6% тан түбәнрәк булырга мөмкин.