Борнаш мәктәбендә 11 нче сыйныфны тәмамлаган 8 чыгарылыш сыйныф укучысы өчен соңгы кыңгырау яңгырады

Укучыларга, коллективка, кунакларга изге теләкләрен юллады. Укучыларның һәрберсенә Мактау грамоталары тапшырды. 

Бәйрәм кичәсендә чыгарылыш сыйныф укучыларының әти-әниләре, ветеран укытучылар, авыл җирлеге башлыклары, районыбыз вәкилләре дә катнашты. Район мәгариф бүлеге җитәкчесе Гөлүсә Галләмиева -кичәнең кадерле кунагы иде. Ул чыгарылыш сыйныф укучыларын укуда һәм спортта ирешкән уңышлары белән котлады, грамоталар тапшырды, бик җылы теләкләрен җиткерде. Мәгариф өлкәсендә уңышка ирешкән укытучыларны котлады. Озак еллар башлангыч сыйныфлар укыткан Тәхәвиева Эльмира Мансур кызына Мәгарифне үстерүдәге казанышлары өчен Россия Федерациясенең "Мәгариф Отличнигы" күкрәк билгесен тапшырды. 
"Соңгы кыңгырау ул, урта мәктәпне тәмамлап, зур тормышка, олы дөньяга юлланган егетләр һәм кызларны алдагы көннәрнең гаҗәп матур да, тынгысыз да, соклангыч һәм авыр булачагын искәртеп тора кебек. Бу чың аларның кадерле укытучылары һәм мәктәп белән хушлашу авазы", - ди мәктәп директоры Алсу Шәйхетдинова.