Гадәттән тыш хәлләр министрлыгында тынычлык сакларга өндәделәр

“Татар-информ” хәбәрендә язылганча, чаралар язгы ташу һәм табигый янгыннар вакытында персоналның әзерлеген һәм башка хезмәтләр белән хезмәттәшлегенең нәтиҗәлелеген тикшерү максатында үткәрелә. Һәр гадәттән тыш хәл очрагында үзара хезмәттәшлекне җайга салу өчен берәр көн бүлеп бирелгән. «Россия гадәттән тыш хәлләр министрлыгының техника колонналары хәрәкәтен, ашыгыч хезмәтләр хезмәткәрләренең, шулай ук Татарстан Республикасы Гадәттән тыш хәлләр министрлыгының территориаль ярдәмче системасы көчләрен һәм чараларын күргәндә борчылмагыз», – дип чакырганнар ведомствода.