Җәмгыять һәм без
Татарстанда трассада юл-транспорт һәлакәтендә ике бала һәм бер хатын-кыз һәлак булган
Бүген кич Татарстанның Югары Ослан районында булган юл-транспорт һәлакәтендә өч кеше үлгән. Бу хакта «Татар-информ»га Татарстан Республикасы буенча Эчке эшләр министрлыгында хәбәр иттеләр.
Хокук саклаучылар мәгълүматларына караганда, Казан – Ульяновск трассасының 9нчы километрында, Казан ягыннан Ульяновск ягына таба хәрәкәт итүче Volkswagen автомобиленең 54 яшьлек йөртүчесе каршы як полосага чыккан һәм ике машина – «Лада Калина» һәм «Лада Искра» белән бәрелешкән.
Юл һәлакәте нәтиҗәсендә «Лада Искра» автомобилендәге пассажирлар – 42 яшьлек хатын-кыз, шулай ук 10 һәм 4 яшьлек балалар үлгән. Алар алган җәрәхәтләрдән урында ук һәлак булган. Төрле дәрәҗәдәге җәрәхәтләр алган биш зыян күрүче хастаханәгә китерелгән. Юл һәлакәте урынына Югары Ослан районы прокуроры вазифаларын башкаручы Алсу Данилова килгән. Тикшерү эше башланган.
Чыганак: https://tatar-inform.tatar
фото: Татарстан Республикасы буенча Эчке эшләр министрлыгы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев