Татарстанда хайваннар өчен приютларның эш кагыйдәләрен үзгәрттеләр

Татарстан Республикасы Министрлар Кабинетының тиешле карарына Республика Премьер-министры Алексей Песошин кул куйды. Зооприютта хайваннарны тотуның максималь вакыты 20 календарь көн белән чикләнәчәк. Пункт хезмәткәрләре арасында ветеринар булырга тиеш, яисә аның хуҗасы ветеринария клиникасы белән килешү төзергә тиеш. 

Хайваннар өчен приютларны торак төзелештә урнаштыру тыела, аңа кадәр ара 150 метрдан да ким булмаска тиеш. Пункт ике метрдан да ким булмаган тоташ яки челтәрле койма белән әйләндереп алынырга тиеш. Зооприют территориясе өч зонаны үз эченә алырга тиеш: административ-хуҗалык, хайваннарны турыдан-туры карау һәм калдыкларны саклау. Керүче хайваннарны карау өчен бина, аларны йөртү өчен мәйданчык һәм башка кирәкле объектлар булырга тиеш.

Терлекләрне теркәүгә 24 сәгать вакыт бирелә. Бу вакыт эчендә аны идентификацияләргә, ветеринария тикшерүе уздырырга һәм аның сәбәпсез агрессия күрсәтмәвен билгеләргә кирәк.

Чыганак – “Татар-информ”.