Гөлсирә әби Нигъмәтҗанова: “Һәрчак изге догада яшим

(2 июнь, Ләйлә Шиһабиева, “Апастово-информ“).

Аңа Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды.

Гөлсирә әби 12 яшеннән эшкә чыккан. Авыр да, җаваплы да хезмәтләр башкарган. Бүген 5 вакыт намазын калдырмыйча, тормыштан канәгать булып, балаларының, онык-оныкчыкларының олы тәрбиясендә, хасияттә яши.

“14 яшемнән бригадир булып эшләдем. Торф чыгаруда, урман кисүдә катнаштым. Эшләгәнемне күрделәр, зурладылар, рәхмәт. Мине олылаучылар үзләре дә игелек күрсен. Мин һәркемгә изге догада яшим“, – ди Гөлсирә әби.