Борнаштан Вәлиәхмәтовлар гаилә белән тавыш бирде

(16 март, "Апастово-информ").

Илгизәр һәм Гүзәл Вәлиәхмәтовлар гаиләләре белән тавыш бирде. Гаиләдә 2 бала үсә. Алар бүген югары белем ала. Рүзәл белән Илзирә дә тавыш бирү өчен авылга кайтты.

"Зур гаилә булып яшибез. Бергә җыелган чакларны көтеп алабыз. Дәү әти, дәү әниләре дә сагынып көтеп тора. Тавыш бирер өчен дә аларны көттек", - ди әниләре Гүзәл.

Илгизәр - районның социаль фонд җитәкчесе, Гүзәл мәктәптә балаларга белем һәм тәрбия бирә. Сайлау участогында да аларга җаваплы вазифалар йөкләнгән.