Шәмбалыкчы авылында гомер кичерүче Галия апа Гайнуллина Ил башлыгының Котлау хатын алды

Бүген Шәмбалыкчы авылында гомер кичерүче Гайнуллиннар гаиләсендә зур бәйрәм. Бу гаиләдә һәркем өчен кадерле булган хөрмәтле әни, дәү әни Галия апа Гайнуллина 90 яшьлек олы гомер бәйрәмен каршылады. 

Бу уңайдан Галия апага Ил башлыгының Котлау хаты, район башлыгының Котлау открыткасы, чәчәк бәйләме һәм истәлекле бүләк тапшырылды. 
Район башкарма комитеты җитәкчесе урынбасары Луиза Сафина, Шәмбалыкчы авыл җирлеге башлыгы Физзәт Миңнуллин акъәбине туган көне белән тәбрик итеп, иң изге теләкләрен юлладылар.