Апас мәктәбе укучысы Зилә Садыйкова - «Җәлил укулары» әдәби бәйгесе җиңүчесе

(16 февраль, “Апастово-информ”).

«Җәлил укулары» әдәби бәйгесенә бер ай эчендә Россия Федерациясенең 26 төбәгеннән, Татарстан Республикасының һәр районыннан һәм чит илләрдән 40 меңнән артык гариза кабул ителгән. Бәйгенең географиясе елдан ел киңәя бара. Быел ул Әзәрбәйҗан, Болгария, Казахстан, Үзбәкстан һәм Төркияне дә колачлаган.
Бәйге 8 номинациядә үткән. Икенче этап нәтиҗәләре буенча финалга 777 катнашучы узып, шулар арасыннан 102 финалист бүләкләү өчен сайлап алынган.
«Татар халкының милли үзенчәлеген саклау» Татарстан Республикасы дәүләт программасын тормышка ашыру, татар теленең дөньякүләм дәрәҗәсен күтәрү һәм сәләтле балалар белән эшне камилләштерү максатында, 2024 елның 15 февралендә VI Халыкара «Җәлил укулары» әдәби бәйгесенең Гала-концерты үтте. Гала-концертта җиңүчеләрен тәбрикләү тантанасы узды.