Апасның көмеш волонтерлары эшли дә, ял да итә белә

(6 гыйнвар, “Апастово-информ”).

Алар бәйрәмгә Кыш бабай һәм Кар кызын да чакырып, вакытларын күңелле уздырдылар. Бер-берсенә җылы теләкләр әйтеп, хезмәт нәтиҗәләрен дә барладылар.

Барыбыз да белгәнчә, әлеге апа-абыйларны тынгысыз, олы йөрәк берләштерә. Алар махсус хәрби операциядә катнашучыларга носилкалар, сумкалар, эчке киемнәр тегә һәм тагын күп кенә изге эшләр башкара.

“Сезгә иксез-чиксез рәхмәтебезне белдерәбез. Сез районда бердәмлек үрнәге булып торасыз. Көн саен йорт эшләрегезне, көндәлек мәшәкатьләрегезне калдырып, ярдәм итәргә ашыгасыз. Сәламәт булыгыз. Саваплы эшләрегез меңе белән үзегезгә әйләнеп кайтсын иде”, - дип теләкләрен ирештерде район башкарма комитеты җитәкчесе урынбасары Гөлүсә Галләмова өлкәннәрне тәбрикләп.