Болынбалыкчыдан Зариповлар да гаилә белән сайлауларда катнашкан

(15 март, “Апастово-информ”).

Болынбалыкчы авылында урнашкан 986нчы номерлы сайлау участогыннан да кеше өзелми. Бер-бер артлы килеп, киләчәк өчен үз тавышларын биреп китәләр. Халык кайнар коймак белән сыйланып, дәртле биюләр биеп, җыр-моңнар тыңлап, сайлауларда катнаша. Дүрт балалы Зариповлар гаиләсе дә бердәм булып сайлауга килгән.
“Быел өч кызыбыз янына көтеп алынган нәни ир-бала алып кайттык. Бу безнең өчен бик шатлыклы вакыйга булды. Шушы балаларыбызның киләчәге хакына үз тавышыбызны бирдек”, - диләр алар.