Лада Веста – Апаска кайта!

  Алар 3 бала тәрбияли. Гаилә башлыгы әйтүенчә, айфон отарга хыяллансалар да машиналы булып куйганнар.
  "Балаларның айфон отасылары килгән иде. Бигрәк тә Зәринәбез айфон дип хыялланды. Көне буе телевизор каршысыннан китмәде. Үз гомеребезгә бер мәртәбә дә бүләк отканыбыз юк иде, монда машина кадәр машина чыксын әле, ничек куанмыйсың! Машина уйнатканда үзебез мунчада идек. Ишек төбенә балалар йөгерешеп килгәннәр. Ура, машина оттык, диләр. Ышанырга да, ышанмаска да белмәдек, дигәндәй. Әле дә күңел ышанмый. Телефоннарыбыз тынып тормый, дуслар, туганнар шалтыраталар", – ди Лилия.
Бүләк ияләрен без дә ихластан котлыйбыз!