Морзалар авылыннан Рәйхана әби Халикова

(27 октябрь, “Апастово-информ”).

  Акъәбине район башлыгы исеменнән, коррупциягә каршы көрәш мәсьәләләре буенча ярдәмчесе Булат Гатиятуллин тәбрикләп, җитәкченең котлауларын җиткерде, чәчәк бәйләме бүләк итте. Авыл җирлеге башлыгы Радик Исмәгыйлев әбинең хәлләрен сорашып, истәлекле бүләк тапшырды.
  Рәйхана әби бик иртә эш арбасына җигелә. Бишенче классны тәмамлагач ук, колхозга әнисе янына эшкә чыга. Башта үгезләр карый, аннары атлар карау эшендә була.
“Бик күп хезмәтләрдә булдым. Кошчылык фабрикасында да эшләдем, балалар бачасында да, мәктәптә дә эшләргә туры килде. Ялгызым өч ир-бала тәрбияләп үстердем. Аллага шөкер, хәзер алар мине тәрбияли. Тормышым хасиятле. Дөньялар гына тыныч булсын иде, - дип тели әби.