Шыгай авылы китапханәсендә иң күп китап укучы - Хәлиловлар гаиләсе белән очрашу узды

(6 апрель, “Апастово-информ”).

Рафил һәм Гөлсинә Хәлиловлар өч бала тәрбиләп үстерәләр. Балалары кечкенәдән төрле чараларда, бәйгеләрдә еш катнашалар. Алар игътибарына гаилә тормышы, үсеп килүче яшь буынны тәрбияләү серләре турында китап күргәзмәсе тәкъдим ителде. Һәркем үзен кызыксындырган журнал-китаплар белән танышты, яраткан әсәрләреннән өзекләр укып, мәкаль-әйтемнәр тыңладылар. Тәрбияви очрашу нәтиҗәле һәм файдалы узды.
Бу хакта китапханәче Алсу Камалиева хәбәр итте.