Танай Турай авылыннан Диана Хәсәнова: “Хәләл корт бик тәмле була”

  Тырыш, уңган гаиләдән ул. Хуҗалыкларында күпләп сыерлар, үгезләр һәм сарыклар асрыйлар. Сыер сөтеннән хәләл корт та җитештерәләр алар. Шулай ук тавык-чебешләрен дә күпләп үстерәләр.
  -Безнең кортларыбызны республикабызның барлык районнарында һәм Казан шәһәрендә дә күрергә мөмкин. Продукциябезнең махсус исеме дә бар. Мин үзебезнең гаиләбезнең уңышлары белән бик горурланам һәм үзем дә хәлемнән килгәнчә әти-әниемә ярдәм итәргә тырышам. Әнием белән бергәләп корт та, эремчек тә ясыйбыз. Кош-кортлар, терлекләрне карашырга да булышам, - ди Диана.