Тутай авылында сайлауга килүчеләр “Теләкләр агачы” акциясенә кушылган

(15 март, “Апастово-информ”).

Тутай авылы мәдәният йортында урнашкан 925нче номерлы сайлау участогына авылдашлар бердәм булып килгән. Биредә бәйрәм рухы хакимлек иткән. Авыл халкы да бер-берсен “Бәйрәм белән”, -дип сәламләгән. Сайлаучылар биредә узучы “Теләкләр агачы” акциясенә дә кушылганнар. Изге теләкләрен ирештереп, “Теләкләр агачы”на махсус тасмалар бәйләгәннәр.
“Һәркем дөньяларыбыз, ил-көннәребез тыныч, мул, имин тормышта яшәүне тели”, - дип хәбәр итте Тутай авыл җирлеге башлыгы Наилә Насретдинова.