Яшьләр паркы һәр ел саен бәйрәмгә безне дәшә

Бәйрәмнең тантаналы өлешендә һөнәр алып туган төбәкләрендә игелекле хезмәт юлы башлаган яшьләр, бу көннәрдә хәрби бурычларын үтәп кайткан егетләр, яшь парлар, бәби алып кайтучы әниләр, районыбыз яшьләре белән нәтиҗәле эшләүче җитәкчеләр, "Алтын каләм" фестивалендә җиңүчеләр, спортчылар мәйдан түренә чакырылып бүләкләнделәр. Котлау, тәбрикләүләр районыбыз үзешчәннәренең моңлы җырлары, дәртле биюләре белән үрелеп барды. Бала-чагалар да, өлкәннәр дә мәйданга чыгып рәхәтләнеп биеделәр, күңел ачтылар. Сәүдә нокталары төрле тәм-том саттылар, шашлык, коймак пешеп торды. Яшьләр бәйрәме дискотека һәм салют белән тәмамланды.