5 октябрь – Укытучыларның һөнәри бәйрәмнәре
Олы йөрәкле, ихлас һәм көчле рухлы әлеге һөнәр ияләре бары тик соклану һәм горурлану хисе генә уята. Укытучыларның авыр, катлаулы, җаның-тәнең белән бирелеп эшләүне таләп иткән хезмәтен бернинди сүзләр белән дә бәяләп бетереп булмый.
Хөрмәтле укытучылар, мәгариф тармагында эшләүче райондашларыбыз! Һөнәрегезгә һәрчак тугры булуыгыз, тырышлыгыгыз өчен зур рәхмәт сезгә. Мәгариф үсешенә һәм яшь буынны тәрбияләүгә зур өлеш керткән ветеран укытучыларыбызга аерым рәхмәтемне белдерәм. Бүгенге буын мәгариф өлкәсендәге казанышлары, тирән белеме, укучыларга карата игътибарлы булуы белән аерылып тора һәм киләчәктә дә үз эшләренә тугры калырлар дип ышанам. Барыгызга да исәнлек-саулык, күңел күтәренкелеге, зур уңышлар, эшегездә яңа үрләр яулавыгызны телим.
Равил Хисаметдинов, муниципаль район башлыгы.
Следите за самым важным и интересным в Telegram-каналеТатмедиа
Нет комментариев