Апас районының “Йолдыз“ газетасы редакциясе хат ташучыларны бүләкләде

 Безнең тугры укучыларыбыз булганына чиксез шатбыз. Шулай ук язылу кампаниясендә актив катнашып, зур өлеш керткән хат ташучыларыбызга да олы рәхмәтебезне җиткерәбез. Узган елгы язылу чоры белән чагыштырганда “Йолдыз“ (“Звезда“) газетасы укучылары санын иң күпкә арттырган почта хезмәткәрләре бүләкләнде. Бәйгенең шартларын язылу кампаниясе башында хәбәр иткән идек. Шулай итеп, 25 газетага күбрәк яздыручы Каратун почта бүлекчәсе хат ташучысы Роза Алманова, 40 газетага күбрәк яздырган Апас бүлекчәсе хат ташучысы Гөлсинә Вафина, 11 газетага күбрәк яздырган Иске Йомралы почта бүлекчәсе хат ташучысы Илмира Хәлилова редакциябезнең махсус премиясенә лаек булдылар. Чын күңелдән котлыйбыз һәм киләчәктә дә бергә-бергә, бер максатта эшләрбез дип ышанабыз!