Апас универсаль спорт залында мәктәп волейбол лигасы башланды

(9 март, “Апастово-информ“).

“Уеннарның беренче этабы мәктәпләрдә узды. Бүген ярышларның икенче – районкүләм этабы башланды. Көч сынашырга барлыгы 11 команда килде. Апас волейболчылары республика буенча да мәктәп лигасында иң актив катнашучылар булып санала“, - дип белдерә физкультура укытучыларының методик берләшмә җитәкчесе Радик Галимҗанов.
Ярышларны ачу тантанасына район башкарма комитеты җитәкчесе урынбасары Луиза Сафина да килгән иде. Ул балаларга гадел җиңүләр теләде.