Апас йолдызчыклары “Созвездие-Йолдызлык-2021“ фестиваленең зона турында осталыкларын күрсәттеләр

Апастово-информ, 24 март 2021 - 23:09

663

Районыбызның яшь талантлары 40 тан артык чыгыш тәкъдим иттеләр. (24 март, “Апастово-информ“).

Апас йолдызчыклары “Созвездие-Йолдызлык-2021“ фестиваленең зона турында осталыкларын күрсәттеләр

Балаларның чыгышларына мәртәбәле жюри бәя бирде.
"Апас балалары матурлар һәм талантлылар. Алар безне бу юлы да үзләренең моңлы тавышлары, дәртле биюләре белән сокландырдылар. Апаслылар фестиваль кунакларын бик җылы каршы алдылар. Барлык катнашучыларга, район башлыгына һәм педагогларга зур рәхмәтемне җиткерәм" - диде фестивальнең генераль продюсеры Дмитрий Туманов.
Сәнгатькә гашыйк балаларның иң-иңнәре Апас сәхнәсен гөр китереп, моңа күмделәр, осталыкларын күрсәттеләр.
Фестиваль иртәгә дә дәвам итә. Уңышлы чыгыш ясаучылар гала-концертта катнашу бәхетенә ия булачак.